O Concello de Ponteareas continúa renovando as súas instalacións deportivas. Neste caso, o Campo de Fútbol de Pardellas verá renovados os seus equipamentos, grazas á instalación de dous banquiños de 14 prazas que servirán para que os futbolistas de reserva e o corpo técnico poidan estar ao completo resgardados durante a disputa dos partidos federados.
Este investimento, que supera os 8500 euros, está financiado con cargo ao Plan Concellos da Deputación de Pontevedra e súmase aos que xa está realizando o Concello para a posta a punto desta instalación deportiva.