Maquillaxe infantil de entroido no obradoiro da axencia de lectura de Ribadetea

A concellería de Cultura ofrece un obradoiro de maquillaxe de entroido totalmente de balde para todas e todos os cativos que queiran achegarse á axencia de lectura municipal de Ribadetea o vindeiro xoves 20 de febreiro.

Dende as 16:30 ás 18 horas os e as pequenas desplegarán a súa imaxinación e creatividade para realizar maquillaxes tan fantasiosas como o propio entroido e pasarán a ser portadores desta festa tradicional galega.

A axencia de lectura de Ribadetea atópase no número 34 do barrio do Souto.