Máis de trescentos escolares de Ensino Secundario asistiron ao concerto poético de Tino Baz

Este mércores, día 14 de maio, máis de trescentos escolares de Ensino Secundario de Ponteareas, asisitiron no Auditorio Reveriano Soutullo a un concerto de poemas galegos, interpretados por Tino Baz, entre os que se achegaron aos grandes escritores galegos como  Rosalía de Castro,  Álvaro Cunqueiro, ou Celso Emilio Ferreiro. Así mesmo, o cantautor salientou a importancia dos músicos ponteareáns Reveriano Soutullo e Rogelio Groba, de quen interpretou a obra “A Freixa”, en homenaxe ao insigne mestre pontearán. Este concerto organizado pola Concellería de Cultura que dirixe Andrés Sampedro Fernández, a través do Servizo de Normalización Lingüística, dentro das actividades do Mes de Maio, Mes das Letras, ten como obxectivo de difundir a cultura galega entre a poboación xuvenil.