No día de hoxe venres, 29 de agosto, finalizarán as actividades gratuítas das escolas deportivas de verán nas que participaron máis de 250 rapaces e rapazas, entre 5 e 16 anos, repartidos entre as 7 modalidades deportivas ofertadas.
As actividades realizadas nos meses de xullo e agosto estiveron organizadas pola concellería de Deportes, que dirixe Alberto Novoa, coa colaboración dos clubs deportivos de Ponteareas, co fin de que os máis pequenos coñeceran a oferta deportiva da localidade.
Dende a Concellería de Deportes apúntase ao grande éxito desta iniciativa, polo gran número de asistentes así como a gran demanda para continuar coas actividades na vindeira tempada escolar.
As especialidades deportivas de balonmán, baloncesto, tenis, bádminton, patinaxe, fútbol sala e ciclismo foron impartidas polos monitores dos distintos clubs existentes en Ponteareas.