A Concellería de Consumo, que dirixe Dª. Marisol Valado, recorda aos vecinos que o 15 de marzo do ano 2014 celebramos o Día Mundial dos Dereitos dos Consumidores. Os principais dereitos básicos recollidos pola Lei para a defensa dos consumidores e usuarios resúmense en:
- O dereito á protección da saúde e seguridade.
- O dereito á protección dos intereses económicos.
- O dereito a unha información e educación en materia de consumo.
- O dereito á representación, consulta e participación.
- O dereito á protección xurídica e á reparación de danos.
Este ano con motivo de celebrar o Día Mundial dos Dereitos dos Consumidores, comunicase a todos os veciños de Ponteareas que teñen a súa disposición a oficina da O.M.I.C. sita en Servicios Sociais, na rúa de Oriente, nº: 8 , onde contan coa responsable do devandito servizo para informar sobre calquera consulta ou dúbida que teñan sobre os dereitos dos consumidores.
O día 14 de marzo, venres e día de feira en Ponteareas, a O.M.I.C. sae a rúa en horario de 10:00 h. a 14:00 h con información a pé da rúa para os vecinos e veciñas, cun posto informativo na rúa de Oriente , peatonal, fachada de Servicios Sociais.