O programa achega o espectáculo da maga Leo Leiño á Casa Cultural Os Muíños de Oliveira
O programa Cultura24 regresa esta fin de semana cunha programación de lecer aberta a todos os públicos e de balde coa que a Concellaría de Cultura dirixida por Fernando Groba quere “dinamizar as parroquias que compoñen o municipio ponteareán achegando actividades culturais de diversa índole a cada unha delas”.
A proposta para este domingo 7 de agosto é un espectáculo de humor e maxia a cargo de Leo Leiño, ilusionista cunha longa traxectoria especializada no público familiar, que alegrará a xornada ás e aos asistentes na Casa Cultural Os Muíños de Oliveira. A cita é ás 17.00 horas.
O concelleiro de Cultura, Fernando Groba, anima a toda a veciñanza a asistir a esta nova actuación no marco do programa Cultural24, que encherá Oliveira de ilusión e de bo humor.