Cultura 24 percorre cada recuncho do concello

A Concellería de Cultura, Turismo, Lecer e Normalización Lingüística dentro do programa Cultura24, leva o  teatro, música, así como  espectáculos  de maxia a diferentes puntos e parroquia de Ponteareas para que toda a familia disfrute coas agrupacións do noso  teatro a música e tamén magos recoñecidos do noso país.

A Maxia iniciouse a  pasada fin de semana no Parque das Pombas e na parroquia de Prado  con  Leo Leíño e o Mago Paco respectivamente. O programa continua nas vindeiras  semanas coas actuacións de diferentes magos en Moreira, o sábado 15 ( Mago Paco); Arcos, o domingo 16 (Ían e Elisa); Guillade o 27 co mago Paco, o 28 en Pías con Leo Leíño; o 29 Ían e Elisa levarán esa mesma tarde a Maxia a Ribadetea primeiro e posteriormente a  Padróns,. Continuará en xaneiro, o día 2 na Carpa da Praza maior có gran espectáculo Circo miúdo de Sorrisos máxicos para rematar na biblioteca Municipal o día 11 con Ían e Elisa.

O programa cultura 24 incluíu as actuacións do Coro Cantemos en Areas, o grupo de teatro Ponte Caneiro de Fozara en S. Mateo o pasado mes de novembro. 

Para este nadal continúa coas actuacións  o domingo 16, do grupo de Teatro de Celeiros en Cristiñade ; e a música  da Coral Ars Cantorum de Guillade, o sábado 28 en  Prado e do Coro Cantemos o domingo 30 de decembro en Guláns.

Hortensia Bautista, concelleira de Cultura, convida a toda a cidadanía a participar nas actividades que dentro do programa Cultura 24 se desenvolven por diferentes puntos do noso concello.