A Biblioteca Pública Municipal de Ponteareas unha vez máis sae aos centros escolares do Concello de Ponteareas, organizando un concurso de debuxos e poesías de Rosalía de Castro para conmemorar o aniversario do seu nacemento (24 de febreiro).
Neste caso, o concurso consiste na participación dos nenos de primaria dos centros escolares ponteareáns. Convócase dúas categorías de participacións, baixo unhas bases. Na primeira categoría participarán os nenos dende primeiro e ata cuarto curso de primaria os que se dotarán os tres primeiros premios cun lote de libros. Na segunda categoría participarán os nenos de quinto e sexto de primaria os que se dotarán tamén os tres primeiros premios cun lote de libros.
O prazo máximo de entrega dos debuxos por parte dos colexios é o 18 de febreiro de 2015.
Expoñeranse os debuxos e as poesías na Sala Multiusos da Biblioteca Pública Municipal de Ponteareas dende o 24 de febreiro, propio día do aniversario do nacemento de Rosalía de Castro, ata o 5 de marzo, a cal podrá visitar toda persoa que o desexe, dende ás 8.00 horas ata ás 21 horas ininterrumpidamente de luns a venres, e os sábados dende as 11 ata ás 14 horas.
O obxectivo desta actividade é fortalecer a autoestima, desarrolar a concentración do neno, incentivar a imaxinación e fomentar a expresión artística, desarrolar a paciencia e a constancia, ademais da distracción, axuda a acelerar o proceso de maduración de cerebro e desta maneira
conseguir un mellor desarrolo intelectual do neno…, e sen esquecer, a fomentación da lectura entre os cativos para que se acheguen á biblioteca e a coñezan, ademais de divertirse no seu tempo de lecer.
Ademais queremos salientar que, o mesmo día do aniversario do nacemento, haberá a disposición de todo o usuario e as persoas que se queiran achegar a biblioteca, varias obras de Rosalía de Castro para realizar a lectura aberta de fragmentos ou capítulos de ditas obras.
Tamén, todo o mes de febreiro, agasallaremos con un marcapáxinas con versos de Rosalía de Castro, a todo o usuario que se achegue pola nosa biblioteca.
E, para conmemorar este día, estará pendurada unha pancarta conmemorativa co rostro e fragmentos de Rosalía de Castro na fachada da Biblioteca Pública Municipal de Ponteareas.
A animación á lectura é unha das prioridades da Biblioteca Pública Municipal de Ponteareas, así como ás actividades de extensión da biblioteca, de captación, de formación e en definitiva todo o que sexa abrirse ó público en xeral.