Co obxectivo de facilitar ferramentas ás familias para unha boa convivencia, a Concellería de Ensino do Concello de Ponteareas, que dirixe Cristina Fernández, organiza para mañá mércores día 29 unha charla no auditorio municipal ás 20 horas.
Baixo o título “Estratéxias para resolver conflitos dentro da familia”, o psicólogo e terapeuta familiar, Carlos Lorenzo, ofrecerá asesoramento ás familias para axudar a resolver as problemáticas da educación e do día a día das unidades familiares.