A Carpa Xplora de Xuventude visitará o vindeiro xoves Ponteareas onde prestará asesoramento especializado á mocidade

A Carpa Xplora de Xuventude achégarase a Ponteareas o vindeiro xoves, día 25 de setembro co fin de que os mozos e mozas de da vila do Tea poidan coñecer os recursos e programas dirixidos a eles, e para facilitarlles asesoramento por parte de técnicos especializados.
A actividade, organizada pola Consellería de Traballo e Benestar en colaboración ca Concellería de Xuventude do Concello de Ponteareas que dirixe Andrés Sampedro, terá lugar na Praza Maior, en horario de 17:00 a 19:00 h.
A campaña desenvólvese por toda Galicia entre os meses de xuño, xullo, agosto e setembro. Durante estes meses, os técnicos da Rede galega de dinamización xuvenil percorrerán 110 localidades da xeografía galega.
Cabe destacar que ademais de información de interese, estas carpas pretende ofrecer un espazo aos grupos de mozos e mozas e entidades xuvenís no que poidan amosar as actividades e propostas que levan a cabo, servindo como escaparate do talento xuvenil.
Así mesmo, serán un punto de información onde se proporcionará asesoramento sobre os recursos e os programas dirixidos a mozos nos diferentes ámbitos: programas de Iniciativa Xove e Erasmus , voluntariado xuvenil e ambiental, Galeuropa e outros programas de mobilidade xuvenil, servizo Quérote+ ou Carné Xove e outros carnés destinados á mocidade, entre outros.