De cara ao comezo das Festas do Nadal, a Asociación de Comerciantes “Tea” ultima os preparativos necesarios para poñer en marcha, por segundo ano consecutivo, unha campaña comercial atractiva, dinámica e cargada con un gran número de premios directos, para aqueles veciños e veciñas que realicen as compras navideñas nos comercios asociados da localidade Ponteareana.
A presidenta Lina Limeres e a tesoreira da asociación, Mª Carmen Hernández, acompañadas pola concelleira de comercio, Marisol Valado, veñen de presentar todas as inciativas que van a realizar, en colaboración coa concellería, dende o luns 15 de decembre ao 5 de xaneiro do 2015.
A partires deste vindeiro luns arranca a campaña “as túas compras navideñas teñen premio”, que se realizará en todos os locais asociados e que busca premiar a fidelidade dos seus clientes, con máis de 40 premios, entregados para tal fin por os comercios da asociación e que serán sorteados de entre todos os clientes, que houberan depositado a papeleta entregada tras a compra realizada. Cada persoa só poderá optar a un destes premios, de tal xeito que si sae agraciada máis dunha vez, pasarase a seguinte da lista dos participantes.
Tamén, de entre os establecementos comerciais e de hostalería do Concello, sexan ou non asociados, premiarase “o mellor escaparate decorado e ambientado con motivos de Nadal”. Un xurado formado por persoas alleas ao municipio, recorrerán as rúas, para determinar cal é o que mellor reflexa estas festas. O xurado terá en conta aspectos como a iluminación, exposicións de produtos, orixinalidade, ….
De cara a entablar lazos de colaboración e apoio entre os diferentes sectores empresariais, tamén se pon en marcha, por primeira vez, unha campaña co sector de taxistas de Ponteareas. A campaña chamada “usar o transporte público en Ponteareas ten premio”, busca agasallar, tanto dende este sector, como dende a asociación e a concellería, o uso do transporte público por parte dos veciños e veciñas. Entregarán a
todos os pasaxeiros unha papeleta, que unha vez cuberta, lles permitirá participar no sorteo de tres premios, donados polos comercios asociados.
Pero a iniciativa estrela da asociación Tea, para estas datas, é a celebración, na Praza Maior, dun “Mercadillo Navideño” o domingo 21 de decembro, ao longo de todo o día e na que poderán participar comercios locais, que estean dados de alta como ambulantes e paguen a taxa municipal correspondente, ademais de todos os vendedores ambulantes periódicos que decidan asistir a dito mercadillo. Amenizado tamén con premios directos, entre os clientes da asociación Tea, ademais de postos de venda de castañas, filloas, ……..
Para clarexar calquera dúbida e que estean interesados en participar, nalgunha das campañas, poderán ter máis información nos teléfonos da asociación Tea 648439816 e da concellería de comercio 618705642.