Sabedes que é un escape room? A concellería de Educación que dirixe Cristina Fernández propón, en colaboración coa mestra Susana Lamela, comezar a semana aventurándose nun “escape room”.
No botón “recursos lúdicos e educativos” da páxina web do Concello atoparás dous novos enlaces con alternativas de lecer para as familias. Os “escape room” son xogos en grupo con probas e misións para resolver nun tempo determinado. Todas estas probas desenvólvense nun único espazo e requiren observación, inxenio e xogo en equipo. Axudados por pistas os grupos deben superar retos nos que pór a proba a nosa intuición e a nosa creatividade. Atréveste? http://ponteareas.gal/xiralda/uploads/2020/04/Recursos-educativos.pdf