A psicóloga Ángeles Lores falará dos problemas de aprendizaxe na sala multiusos do auditorio municipal de Ponteareas o mércores 25 ás 19:30
Organizada pola Concellería de Ensino que dirixe a nacionalista Cristina Fernández, nesta charla para nais e pais trataránse os trastornos de déficit de atención, TDAH, e dislexia e as súas consecuencias emocionais.
Cristina Fernández aposta pola formación e información para toda a comunidade educativa como ferramenta para facilitar a solución dos problemas e conflitos diarios e mellorar así as relacións entre proxenitores e fillos/as ademais de evitar e minimizar as frustracións nos estudos.