Alumnado do conservatorio municipal de música Reveriano Soutullo participa hoxe no encontro “No bico un cantar” que se celebrará esta tarde na contorna da catedral de Tui.
A concellería de Ensino, que dirixe en funcións Cristina Fernández, agradece o traballo do equipo directivo e do profesorado que acompaña hoxe á representación ponteareá nesta sétima edición na que máis de cincocentos pequenas e pequenos músicos de Galicia e Portugal interpretarán cinco pezas musicais fronte á praza de San Fernando ás 17:30 horas.
“Estamos orgullosos do noso alumnado que ensaiou cada xoves pola tarde noite para deixar o nome de Ponteareas ben alto neste encontro anual”.