A concellería de Ensino, que dirixe Cristina Fernández, abre o prazo de preinscrición para o Campus-Tea tempada de Nadal, unha oferta formativa que ten como obxectivo facer posible a conciliación familiar coa laboral.
O Campus-Tea está dirixido a nenos e nenas das etapas de educación infantil e primaria e desenvolverase nas instalacións do CEIP Fermín Bouza Brey os días laborais comprendidos entre o 22 de decembro e o 5 de Xaneiro de 2018, ámbolos dous incluídos.
O horario será de 09:00 a 14:00 horas e o custo de 15€ por participantes. O Campus-Tea combina o xogo con actividades creativas coa finalidade de coñecer o entorno próximo dende unha pedagoxía do lecer baseada na educación en igualdade e hábitos saudables. O Campus-Tea dará a coñecer tradicións como a figura do apalpador e celebrará tamén unha festa de fin de ano o día 29 de decembro.
O prazo de inscrición será do 15 ao 30 de novembro e tódolos interesados e interesadas poderán consultar as bases e acceder ao impreso de preinscrición de luns a venres en horario de 9 a 14 horas na oficina de ensino no andar baixo ou no rexistro xeral do concello. As bases e o formulario da preinscrición tamén están dispoñibles na páxina web do Concello. Haberá cen prazas e a orde de admitidos será por estricto orde de chegada. O Campus-Tea ofrece a opción de aula matinal e servizo de fiambreira.
A listaxe definitiva publicarase o día 11 de decembro no taboleiro do Concello e na páxina web.
https://ponteareas.gal/servizos/ensino/campus-tea/
http://ponteareas.gal/xiralda/uploads/2016/06/bases-campus-nadal-2017.pdf
http://ponteareas.gal/xiralda/uploads/2016/06/PREINSCRICION-CAMPUS-NADAL-2017.pdf