A alfombra floral de Ponteareas representa a autenticidade da nosa tradición en Elche de la Sierra

O Alcalde de Ponteareas acompañou as e aos alfombristas de Ponteareas que participaron en Elche de la Sierra no VII Congreso Internacional de Arte Efímero no que realizaron unha alfombra floral en base á tradición de Ponteareas con materiais naturais.

Dende o día 21 ao 24 de xuño Elche de la Sierra acolleu ás 26 delegacións chegadas dende distintos puntos de España e de outros países que espuxeron as distintas maneiras de entender e plasmar a través das súas alfombras o concepto de arte efímero. 

Foron un total de 240 congresistas que acudiron e compartiron experiencias e transmitiron a arte de cada pobo Alfombrista. 

Alfombristas de tres continentes: de Europa, Asia e América amosaron no Congreso as súas técnicas e deseños. Houbo ponencias de delegacións de Japón, Corea do Sur, Malta, Italia, Tíbet, India, Bélgica, Alemania e México.

O goberno de Ponteareas, que financiou e posibilitou a presenza dos e das alfombristas ponteareás, insiste na importancia de apoiar e difundir este xeito de facer arte que en Ponteareas sobrepasa a barreira dos 160 anos, que ten o recoñecemento de Festa de Interés Turístico Internacional, que se atopa en proceso de tramitación do Ben de Interese Cultural Inmaterial e que seguirá medrando dando todos os pasos precisos para que teña todos os recoñecementos que merece o espírito e paixón dos alfombristas.